Imḍebber n teqbaylit deg ubduz

A nnger-is win ken-yumnen

Iɣill akken ay d taqbaylit !

Aḥlil wi ur nesli yis-wen

Tekkatem i sid-wen tiqwit !

Ziɣ kečč seg yiḍebbalen

N ukabar yeddan d tislit !

.

Fkan-ak sin n yisebtar

Di lkaɣeḍ is seffḍen (de)g ubduz,

Nnan-ak : « Aql-ak d imḍebber,

Sekmumus kan din leḥruz.

Di sid-k Ɛmara cekkeṛ,

Lkaɣeḍ ilaq ad yettnuz.

.

I wakken ad yeddu s waṭas,

Ad nesgen medden s lekdeb :

Sya ɣer da cekkeṛ Lwennas,

Leqbayel ad asen-yeɛjeb.

Xas ma lbiɛ ulac yal ass,

Xersum letnayen ad nḥesseb. »

.

A nnger-is win ken-yumnen

Iɣill akken ay d taqbaylit !

Aḥlil wi ur nesli yis-wen

Tekkatem i sid-wen tiqwit !

Ziɣ kečč seg yiḍebbalen

N ukabar yeddan d tislit !

Hocine Louni