Di ssbiṭer ɣef umeṭreḥ,
Tettusu, tasa-s tejreḥ,
Tesseblaε terẓeg n tewser
D warraw-is i tt-ibeddlen,
Yekksen fell-as sser.
Wid yeɣran, fehmen, ssnen ;
Beddlen s umalu yemma-tsen,
Xas ma netta ur ten-yeḥsib.
Wid yudren ɣer temdinin,
Ur tt-wwin, ɣillen d lεib.
Yeggra-d udrar yesselqaf.
Win t-izedɣen yenḥaf
S nnif aseṭṭaf, yettedram ;
Yeṭṭef ayen ur nettwaṭṭaf, yeqqen-it
S iri-s, d azaglu n tiram.
Taqbaylit tgen s wurrif,
Tessaram di tirga ad tif
Tid n usammar d umalu,
Xarsum asirem ad yidir,
Xas urmir yis-s ad yeglu.
Hocine Louni